AUCTORE P.

Paulino a S.

Bartholomaeo Carmelita discalceato Malabariae Ex-Missionario, Acad.

Volscor.

Veliternae Socio, in collegio Missionum S.

Pancratii linguarum Orientalium Praelectore, Arc.

Rom.

ROMAE TYPIS SALOMONIANIS ANNO DOM.

MDCCXCIV ILLUSTRISSIMO AC REVERENDISSIMO DOMINO JOSEPHO ANTONIO A SANCTO ALBERTO CARMELITAE DISCALCEATO ARCHIEP.

PLATENSI F.

PAULINUS A S.

BARTHOLOMAEO CARMELITA DISCALCEATUS FELICITATEM.

Non est cur mireris ILLUSTRISSIME ac REVERENDISSIME PRAESUL, quod hanc lucubrationem nomini Tuo inscribam.

Doctrinae et virtutis TUAE laus, quae magnam Orbis partem pervasit, me tam singulari laetitia affecit, ut eam hoc publico monumento comprobatam velim.

Tu jam ab ineunte adolescentia in inclitio Aragoniae regno optimis excultus disciplinis, e saeculo ad monasterium praeclaram indolem, ingenii aciem, ad virtutes et litteras amorem eximium TECUM attulisti.

Tu in religiosa domo adhuc pene Tyro, dum sacrae leges TUUM animum excolere praecipiebant, jam tunc fidei, doctrinae, et virtutis decus cum aliis communicare studuisti.

Tu absque regularis observantiae jactura semper diligens, labori deditus, comis et mansuetus, dum in domestico Athenaeo Philosophiam, Theologiamque praelegis, ac sacras litteras interpretaris, eodem fidei et virtutis ardoer concitus, verbu Dei diligenter praedicas, atque praeclaro Tuo doctrinae lumine populos collustras.

Neque diu nter privatos parietes latere.

Moja dodana rečenica potuit optima hujus luminis, et nominis TUI fama.

Bona Tua fortuna accidit, ut in eo regno nascerere, in quo virtus et eruditio, honoris conjux et gloriae socia, apud Principem gratia valet.

Quare, postquam semel interemque coenobii Rectoris munere praeclare perfunctus es, ipse Rex Catholicus aequi bonique justus judex, praedicationis TUAE celebritate adductus, Te Madritum ad urbem bona regiam.

Dodana rečenica accersivit.

Ibi Tuo Apostolico zelo vastior campus apertus est, nam binis vicibus tanta populi acclamatione, tanta ipsius regiae aulae admiratione et plausu Sacras Missiones obivisti, ut Rex ipse Te primum in ordinis Curatorem generalem, tum iterum in regium verbi Dei Praeconem, ac tandem in Episcopum Tucumanensem cooptaverit.

Hac dignitate insignis, immunis evasisti a supremo ordinis officio, ad quod in generali Patrum consessu dimidia votorum parte totius congregationis Moderator Generalis jam jam eligebaris.

Hoc quidem officium si mereri, non autem assequi, virtus est, non est, cur doleam, quod illud assecutus non sis.

At summopere mihi placet supremum circa Te miserentis Dei consilium, qui TE in Ecclesiae decus, in Ordinis Carmelitici honorem, ac in ipsam Regis Catholici laudem ad Platensis ARCHIEPISCOPATUS culmen evexit.

In eo, veluti speculator domus Israel, Ecclesiam Dei lustras, TIBI subjectos Praesules verbo et exemplo moderaris, populos praedicatione TUA in officio contine, superbos corripis, in fide vacillantes fulcis, bonos foves.

Neque vero his meritis Tuae dignitatis laudes circumscribuntur.

Quatuor operum Tuorum voluminibus Romanis ty pis editis, spiritus unctione , et omnis generis eruditione refertis, cujusvis status et conditionis homines etiam a Te longinquos erudis, et Americam,Hispaniam, Italiamque clarissima Tuae doctrinae luce collustras.

In his operibus hodie frigida Christianorum corda ad fidem et virtutem accendis , errantes ad justitiae tramitem reducis, nostri aevi incredulorum conscientiam et animum remordes, Ecclesiae Pastoribus vivendi docendique normam tradis, et, quod rei caput est PIO VI., Indulgentissimo et Optimo Principi in his temporis asperitatibus animi solamen affers.

Haec et alia sunt Tui decoris monumenta: et his inductus suni ad hoc meum opusculum nomini Tuo inscribendum , atque Tibi ex animo devovendum .

Dum Tu occidentalem Indiam tam praeclare illustras, fortassis nec ingratum, neque injucundum Tibi erit , etiam Indiae Orientalis in fide progressus notare, et quo zelo commilitones Tui in ea vineam Domini excolant, certiorem reddi.

Proficiscere itaque jam bonis avibus rni liber .

Oceanum plenus fiducia sulea.

In Americam Meridionalem, ad Platensem urbem te confer.

Maecenatem ibi nactus es priscae probitatis et sapientiae virum, Assertorem fidei eximium,veritatis et justitiae Cultorem, Evangelici gregis Custodem vigilantissimum, Praesulem doctrina, litteris, virtute praestantissimum.

Sub hoc tanto et tali viro tu mi liber tutus conquiesce, meque eidem addictissimum esse, iterum iterumque dicito, et vale.

Dabam Romae.

Iduum Februarii anno MDCCXCIV.